سمووو الحنان


 
الرئيسيةالبوابةالتسجيلدخول

شاطر | 
 

 خطيبي واهله دمرونى حسبي الله ونعم الوكيل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
????
زائر



مُساهمةموضوع: خطيبي واهله دمرونى حسبي الله ونعم الوكيل   الخميس يناير 06, 2011 11:59 pm


>>>>>> مشكله صديقه <<<<<<<<<


خطيبي واهله دمرونى حسبي الله ونعم الوكيل



مش عارفة ابتدى ازاى
انا مخطوبة من سنتين بالظبط لمهندس متدين وحافظ القران وامام جامع وانا اعوذ بالله من كلمة انا على قدر من الدين زيه
فكان عندى احساس ان الحمد لله ربنا كرمنى بالعبد الصالح
هو الولد الوحيد على تلات بنات اعوذ بالله منهم دول مش بشر دول بتوع مصايب ومشاكل متجوزين بس على طول عند امهم وبيدخلوا في كل حاجة وامهم وراهم
و كان خطيبي بالنسبالى زى الوردة البلدى اللي مليانة شوك واكيد اللي بيحب الورد البلدى لازم يتشك ....
المهم حجزنا كتب الكتاب في نص 12 وقبل كتب الكتاب فجأة جاتله حالة غريبة جدا جدا هلاوس وضلالات كده غريبة انا اتصدمت وكنت هاتجنن ماكنتش عارفة اعمل ايه لانى مش فاهمة في ايه اصلا اتارى الاستاذ خطيبي مصاب بمرض نفسي اسمه فصام شخصي ومن ثلات سنين يعنى قبل ماتخطب بسنة وبعدين انا لما عرفت انهارت انهيار شديد وتعبت ولما فوقت من تعبي كان الدكتور المعالج ليه اداله علاج مكثف وفضل اسبوعين كاملين في غيبوبة وحالتى طبعا انا وماما وبابا في ذهول وكأننا في كابوس وومامته بكل برود لما حاولنا نعرف فيه ايه قالت المرض ده بتاع ربنا هو حصله كده علشان بطل العلاج بدون امر الدكتور من كام شهر كده وانا بقى قاعدة اسمع الكلام ده وانا بعيد عنكو مش عارفة اعمل ايه عايزة اقولها اسكتى انتى كدابة بس مش قادرة ...
زرت الطبيب المعالج ليه والى هو يصلح للزواج قولتله اعتبرنى بنتك قالى ماتربطيش نفسك بحاجة انتى مش قدها وكمان علاجه بيأثر على القدرة الجنسية يعنى ممكن مايكونش عنده اصلا قدرة على الانتصاب؟؟؟
اتصرف انا بقى ازاى؟؟
زى الشاطرة قولت مش هاتخلى عنه لو كان في ايه رغم انى مضايقة جدا لانه خدعنى وماصارحنيش من الاول وبابا بقى يقولى هاتعيشي راهبة يعنى معاه انتى مجنونة اقوله حياتى انا حرة فيها وانا مسئولة عن كل قراراتى
بدأ هو يفوق من الى هو فيه وبقى يكلمنى على الموبايل كلمتين كده بحيث يعنى اطمن انه كويس بس طبعا لسانه تقيل من العلاج
المهم كنت في فرح بنت خالتى في محافظة تانية وسافرت واضطريت ابات انا وماما علشان اصبح على العروسة تانى يوم فهو كلمنى يوم الفرح بالليل وفي نص الكلام قالى كده يهون عليكي تباتى بره القاهرة قولتله على عينى والله انا كمان عمرى ماببات بره البيت انا بتحرج اكل او ادخل التواليت عند حد راح رد عليا وقالى لا زم تعودى نفسك علشان اما تيجي هنا قولتله هنا فين قالي عندنا عند ماما لما نتجوز قولتله ده هايبقى يوم واحد نهاية الاسبوع في اجازتك قالى لا هنتجوز في شقتنا ونقضي كل يوم عند ماما وطبعا ده كلام امه واخواته اللى بيحفظهوله قولتله وحياتنا قالى ماما ليها حق عندى وانا بدل بابا الله يرحمه قفلت المكالمة معاه وانا على اخرى بس بدون غلط ولما رجعنا القاهرة ماما كلمته وقالتله انا بنتى هتجوز في شقتها قالها بمنتهى الاستفزاز لا دى كمان هتخدم امى راحت ماما قالتله انت ازاى ترضى انك تهين مراتك قالها هى لما تخدم امى تبقى مهانة قالتله انا بنتى مش هاتخدم حد عاجبك اهلا وسهلا مش عاجبك براحتك قالها هاقول لماما وارد عليكى مفيش عشر دقايق اتصل قال لماما لو مش هاتخدم امى ماتلزمنيش قالتله ولا انت تلزمنا وقفلت التليفون....
انا بقى حالتى ما قولوكوش بقى ده اللى كنت هابيعله عمرى؟؟
ده اللي كنت على اتم الاستعداد احرم نفسي من متعة الحياة علشانه واعيش معاه من غير اى حاجة تحصل بينا؟؟؟
كنت راهبة معاه؟؟
متجوزة مع ايقاف التنفيذ؟؟؟
ازاى هان عليك تقول ماتلزمنيش؟؟
فين الحب اللي بينا ؟؟ العشرة دول سنتين مش شهر ولا اتنين؟؟؟
فين قرانك واحاديثك وتدينك؟؟
خلاص كله اختفى فجأة؟؟؟
عملت فيك ايه انت واهلك؟؟؟
كان بيحط في الشقة قرش بابا يحط عشرة ويقول ابنى وبنتى وانا عايز سعادتهم؟؟ راح فين؟؟
والله العظيم ها تجنن لالالا انا فعلا اتجننت خلاص
استغفر الله العظيم يارب
حاسة ان الدنيا الواسعة دى ضيقة اوى اوى
اروح فين ولا حتى اجى منين
شقتى كاملة وجاهزة اغلى حاجة واقيم حاجة واشيك حاجة فرحى كان في اول 2
حسبي الله ونعم الوكيل حسبي الله ونعم الوكيل
ادعولوى الله يخليكم ربنا يقوينى على اللي انا فيه انا منهارة ومخنوقة اوى
يارب يامفرج فرج عنى ما انا ف
يه فرج عنى ما انا
فيه
الرجوع الى أعلى الصفحة اذهب الى الأسفل
????
زائر



مُساهمةموضوع: رد: خطيبي واهله دمرونى حسبي الله ونعم الوكيل   الجمعة يناير 07, 2011 12:05 am

رد: خطيبي واهله دمرونى حسبي الله ونعم الوكيل
متزعليش يا حبيبتى ان شاء الله ربنا هيعوضك خير و والهى والهى والهى ربنا عارف انك مش هتعيشى معاه سعيده وعشان كده الحمد لله متمش جوازتكو ايوه الحمد لله متستغربيش حبيبتى ربنا مش بيعمل حاجه وحشه للعبد ابداااااااااااااا حطى دى حلقه فى ودنك يعنى ده خير مش شر مين عارف لو كنتى استمريتى كنتى هتعيشى ازاى ده مش بعيد كنتى تتندمى على عمرك كله شوفتى ربنا بيحبك ازاى ومحبش انك تعيشى حياه تعيسه ونقذك فى الوقت المناسب اوعى تزعلى واسمعى كلامى لعله خير وانتى بتقولى انهم مش كويسين طيب وعلى ايه الزعل بقى الحمد لله والهى فرحتلك انك فكيتى ومستغربيش من كلامى

متزعليش يا حبيبتى ان شاء الله ر
بنا هيعوض
ك


حنان القلوب
الرجوع الى أعلى الصفحة اذهب الى الأسفل
 
خطيبي واهله دمرونى حسبي الله ونعم الوكيل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سمووو الحنان :: (¯`·._) (منتدى بوح المشاعــــر) (¯`·._) :: (¯`·._) (فضفضـــــة) (¯`·._)-
انتقل الى: