سمووو الحنان


 
الرئيسيةالبوابةالتسجيلدخول

شاطر | 
 

 من فشل الى نجاح (تجربه شخصيه )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
????
زائر



مُساهمةموضوع: من فشل الى نجاح (تجربه شخصيه )    الجمعة يناير 07, 2011 12:11 am

[ قصه صديقه ]""""""" من فشل الى نجاح (تجربه شخصيه )
بجد اترددت كتير قبل ما اكتب عشان دى تجربه شخصيه وانا من النوع اللى مش بحبح اتكلم عن حياتى الشخصيه

ولكن
لانى عارفه كم الاحباط والياس اللى فى مصر وكمان الفشل اللى سببه ان احنا واقفين وبس مانا مع ان احنا لو اتحركنا خطوة واحده هتلاقى نجاحك قدامك
المهم طبعا مش هقول تفاصيل عامه عشان انا شغلى لكن هحكى باختصار وفعلا مش عايزة ردود زى ما انا عايزة الناس تقرا ومش هقول تتعلم لانى معملتش حاجه اعجاز يعنى لا بس نجرب لانى انسان عادى جدا كل الفرق انى جربت
ندخل فى الموضوع
انا عندى 26 سنه اتخرجت ومن انا فى الكليه كنت بحلم انى اكون صحفيه مهمه مع ان دراستى بعيده عن الاعلام وكمان ساكنه فى مدينه غير القاهره يعنى اقاليم وكمان كنت بحلم انى اكون كاتبه قصصيه
والحمد لله والدى كان بيقف جمبى ويمدنى باى ما اريده و عايزاه
المهم اتخرجت وانا ماسكه فى حلمى واتجوزت واحد اعتقدت انه هيساعدنى ولكن طبعا بعد الجواز لقيت واحد تانى خالص وقعدت سنتين بجد فى عذاب وخاصه ان ربنا رزقنى بطفله زى القمر وزوج لا يمت لاى انسان بصله بعيد عن ربنا كل البعد علاقات نسائيه وبخل ومعامله سيئه وطبعا حلمى ضاع
وسنتين بحرق فى دمى واعصابى ومرضت وكبرت 100 سنه وبجد كنت خلاص هستسلم للامر الواقع
بس والحمد لله والفضل كله لله
من فتره قصيرة جدا
فقت لنفسى وده بفضل الله وقررت ان اكون اقوى وانى اصنع لنفسى الفرصه واقاوم الياس والاحباط وكان السبب بسيط اوى انى سمعت ايه
لا يضيع الله اجر من احسن عملا
وقلت لنفسى طيب مادام عندى رب كريم جبار للقلوب ولا يرضى الظلم وخلقنى عشان اعمر الارض ومش هيضيع عملى يبقى ليه اسكت وربى بايده مقادير الامور
اشتغلت وسلمت لله
دورت وسالت على شغل والحمد لله لقيت مجموعه بتعمل مشروع للاطفال وكتبت معاهم قصص وان شاء الله تقروها قريبا وكمان اشتغلت معاهم والمشروع هيفتح قريب وتسمعوا اخباره بس ادعولى ربنا يوفقنى
وكمان بدات اخد كورسات تنيمه بشريه وعلم نفس وطبعا على النت لان الكورسات دى غاليه
وبدات ارجع اقرا واتعلم واشوف ايه الجديد
وبدات اقرب من ربنا واقرب من بنتى واحاول اعيش بجد وريمت الباقى ورا ضهرى
وقلت اللى عايز يتعلم ويتغير ويبقى نظيف وكويس ويعيش لربنا اهلا بيه واللى مش عجبه انا مع ربنا وبس ومادمت بعمل صح وواثقه من نفسى محدش ليه عندى حاجه
ربنا خلقنا عشان نبقى ناجحين نصلح ونغير ونعيش بجد فى طاعته ورحابه ومش معنى كده ان ابقى فى الظلمه واسيب المعاصى فى النور لا لازم الصح يبقى النور لازم المؤمن بقى قوى وشجاع وناجح لان ده دينا واسلامنا
وده قرارى
اتعلمت انى انا اللى بغير ولا فقر ولا مستحيل انا باديى اصنع حياتى واغير لو عايزة
بس كده يارب اكون خفيفه عليكم
بس دى مش اخر الدنيا لسه الدنيا حلوة عشان ربنا معانا
والله باقى وقادر ومسيطر وبيده مقاليد الامور
فلاتحزن ان الله معنا
وان معى ربى سيهدين
ملحوظه عشان محدش يقول الفقر ومش معانا انا من شهر واحد مكنش معايا تمن علاج حتى وكنت باخد من اهلى والحمد لله ولله كل الحمد الحمد ربنا فتحها عليا بجد مكنتش احلم حتى بكده وكل اللى عملته انى بس دورت يعنى اتحركت من بيتى بجد اتحركوا وربنا مش ببيرزق النمله وبيحرك الشمس والمجرات شوفوا العظمه قادر يرزقك
ويعطى الملك لمن ي
شاء


عدل سابقا من قبل حنان القلوب في الأربعاء فبراير 02, 2011 5:34 am عدل 1 مرات
الرجوع الى أعلى الصفحة اذهب الى الأسفل
????
زائر



مُساهمةموضوع: رد: من فشل الى نجاح (تجربه شخصيه )    الجمعة يناير 07, 2011 12:22 am

ساعات بنتألم وساعات بنستسلم ..بس الاكيد مع كل جرح لازم بنتعلم احنا اتخلقنا ف الحياه علشان نعيشها .....مش كل حاجه بنمشى فيها الشوك هيفرشها.
الرجوع الى أعلى الصفحة اذهب الى الأسفل
 
من فشل الى نجاح (تجربه شخصيه )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سمووو الحنان :: (¯`·._) (منتدى بوح المشاعــــر) (¯`·._) :: (¯`·._) (فضفضـــــة) (¯`·._)-
انتقل الى: